Authorization Required

This server could not verify that you are authorized to access the document requested. Either you supplied the wrong credentials (e.g., bad password), or your browser doesn't understand how to supply the credentials required.

Azul Carbayón
Archivo

¡A disfrutalo!

Miguel Fernandi OVIEDO

AZUL CARBAYÓN

Gol Saul Berjon Real Oviedo Almeria Carlos Tartiere.Los futbolistas azules celebran el 2-1 de Saul Berjon
Los futbolistas azules celebran el 2-1 de Saul Berjon Real Oviedo

Artículu d'opinión de Miguel Fernandi

31 ene 2018 . Actualizado a las 13:52 h.

Domingu, les 12 de la mañana. Despiértate l’alarma del móvil y sientes un dolor de cabeza importante. Sí, ayeri salisti a tomar una cerveza y acabasti ciarrando una discoteca. Prometisti nun liala porque hoi ye’l día, hoi ye’l derbi y queríes tar frescu.

Bueno, l’Espidifen va convertise n’Espidifriend. Dúcheste a too correr que quedasti dientro de media hora colos amigos. Lleves tola selmana cavilando sobre la camiseta y la bufanda escoyida pa la ocasión. Son les 12:20 y nun acabes de decidite. Bueno, pues ésta y ésta.

Llegues corriendo al bar y daste cuenta de que llegasti’l primeru. Nun tardarán muncho en llegar el restu de citaos: toos con mala cara, recién duchaos y reflexu fiel de qu’ellos tamién salieron a tomar una y con intención de dir pronto pa la cama. El partíu ye a les 6 y l’oxetivu fundamental ye llegar col puntín al fútbol ansí que de comer sólo vas inxerir el pinchu que pongan coles cerveces y les cerveces que sían les más grandes que tengan. Cantes, cantes y cantes canciones mítiques y otres que yes quién a inventar sobre la marcha pero que nun van tener éxitu.

Mires el reló de forma obsesiva y entres al estadiu muncho primero de lo normal. Casi nin salieron a calentar los equipos, casi nun hai naide nel estadiu menos nel sector visitante. Ellí probablemente tengas amigos y hasta a dalgún familiar pero tires un par de cortes de manga. Hoi nun hai nin amigos nin familiares que valga si nun son acérrimes del to equipu.

Cuando quies date cuenta y depués del mosaicu, yá entamó’l partíu. Ye bastante probable que nin siquier mirares les alliniaciones, lo que menos importa nel derbi son los nomes. Tú quies ver a once del to equipu matándose por esa camiseta.

El partíu ye un coñazu pa los que-yos gusta’l fútbol, va haber pocos goles, dalgún espulsáu y muncha tensión. Los pulmones cada vez te respueden menos, siénteste afogáu y tovía queda media hora pa siguir cantando y emburriando al to equipu. Ente qu’abres y ciarres los güeyos el derbi acabó. Si ganaron los tuyos tomarás 3 o 4 cerveces más pa celebralo, si perdieron tomarás la metá y maldicirás a los tuyos… y si hubo empate pues una habrá que tomala primero de dir pa casa.

Será llunes y l’alarma del móvil sonará muncho primero. Ye probable que tamién te duelga la cabeza pero nun te valdrá como escusa pa nun dir a trabayar pa dalguién que nun sabes si ye de los tuyos o de los contrarios pero que te paga a fin de mes. Y quedará un día menos pal siguiente derbi… ¡A disfrutalo!