? Campus de Ourense, as conferencias serán no Edificio de Ferro, e o Ateneo acollerán a vindera semana o congreso internacional sobre A Raia 1936-1952, nesta ocasión centrado na historia e na memoria. Julio Prada é o coordenador científico desta cita que se desenvolverá entre os días 28 e 30 deste mes. -¿O congreso de Ourense dará continuidade á experiencia de Chaves? -Son dúas visións diferentes dunha mesma realidade. No de Chaves -que se celebrou en decembro- centráronse as xornadas no aspecto antropolóxico e na memoria e neste imos facelo no aspecto histórico e na memoria. Non son iniciativas de continuidade, son dúas partes diferenciadas dun proxecto global. -¿Que contidos se abordarán nesta cita? -Este congreso será unha magnífica oportunidade para os estudiantes de 5º e 4º de carreira para conocer as novas liñas de investigación e familiarizarse con aspectos como a resistencia logo da guerra civil, o papel da muller, o contrabando e outras realidades e campos de traballo que son inseparables da realidad vivida naqueles anos. -¿Sigue a ser unha época escura e descoñecida? -Con estas citas dámoslle continuidade ó Ano da Memoria e vemos como van xurdindo pouco a pouco traballos e novas liñas de investigación que nos permiten ampliar os coñecementos e axudan á súa divulgación e a que os historiadores se impliquen neste eido. De feito pode constatarse o moito que se ten avanzado na última época. Desde a presentación da miña tese, téñense pubricado ata medio centro de traballos. -¿Ten percibido algún rexeitamento ou problemas? -Non. Si que é certo que existen casos como o recente da denuncia contra Dionisio Pereira -nos tribunais por unha iniciativa da familia dun antigo alcalde falanxista- máis nós esforzámonos moito no aspecto pedagóxico: non hai vinganza nin cambio dunha realidade por outra, só queremos revalorizar o papel dunha xente que foi esquencida e afondar no coñecemento histórico. De feito contamos sempre coa colaboración dos responsables dos rexistros civiles e militares. -E con ponentes de luxo para o congreso -É certo, son investigadores de primeira fila. Mais xunto a xente como Javier Rodrigo, o que máis sabe en España de campos de concentración, ou Heine, especialista na guerrilla, contamos con investigadores novos.

---

---

---