? presidenta do Parlamento de Galicia, Dolores Villarino, salientou onte no castelo de San Felipe, no decurso do acto que a cámara autonómica dedicou á cidade baixo o epígrafe Investigar, inventar, innovar: diálogos novos , a «vocación científica e tecnolóxica» de Ferrol e dos ferroláns. A dirixente socialista, nun acto que contou coa presenza do alcalde da cidade, Juan Juncal, ao frente de boa parte da corporación, sinalou que Ferrol é «unha urbe que ten sabido repensarse a si mesma, adaptarse aos retos das novas tecnoloxías e situarse na vangarda da investigación e do deseño». Competitividade Sinalou a presidenta do Parlamento de Galicia, ademais, o seu convencemento de que «a partir da investigación, a competitividade xerará unha verdadeira oleada de novos coñecementos». E nese sentido, subliñou que a innovación ofrece «unha oportunidade única de avance para a nosa sociedade». O acto celebrado onte no castelo de San Felipe, ao que os participantes chegaron en lancha desde o peirao de Curuxeiras, serviu de peche ás xornadas que o Parlamento de Galicia, no seu 25 aniversario, vén de dedicar a Ferrol.

---

---

---